أعلن مرتضى منصور رحيله عن نادي الزمالك وخروجه تماماً من المشهد الرياضي، وذلك بعد الأزمات الأخيرة التي ضربت الفريق الفتره الماضية.
وقال مرتضى منصور في تصريحات عبر فيديو بثه على صفحته الرسمية: ”الوضع في الزمالك صعب، أنا عندي ثقة في لعيبة الزمالك إنهم يكسبوا النصر بكرة، عندي إحساس إن ربنا هيوفقهم إن شاء الله” .
وواصل: ”بقول للجمهور فالسعودية يروح ويدعمهم، ربنا لو كرمنا بكرة هنبقى عدينا مرحلة المجموعات واحنا اتكلمنا قبل كده عن الحكم خلاص، وزيارة حاكم الطائف امبارح رد اعتبار لينا بسبب المذيع اللي مكنش محايد وأساء للزمالك”.
وشدد: ”جماهير الزمالك من حقها تفرح، وعشان تفرح لازم يبقى فيه بطولات وعشان يبقى فيه بطولات لازم لعيبة هما مش فارق معاهم ممدوح عباس ومرتضى، أنا خدت قرار وبقول لممدوح عباس قصاد مصر كلها، الخناقه بيني وبينك خلاص، أنا مشيت خلاص وهرجع مشجع درجة تالتة، وأمير مرتضى مشي من شهرين ورافض يرجع وهيسلم العقود لأي حد يبقى مسئول عنهم“.
وأكمل :”أحمد بيخلص أحسن لعيب في مصر خلاص ولو عاوز يكمل اأوميكملش ده قراره أنا ولادي عندهم شخصية، أنا بقوله قصاد مصر كلها أنا خارج المشهد، ارفع الحجز عن الأرصدة”.
وتابع: ”أنا سايب النادي فيه ٢١ مليون جنيه، ابعتوا جزء لاتشيمبونج وجزء للمدير الفني، أنا سايب النادي ومتنازلتش عن دولار واحد من الغرامة وآخر معاد بكرة ولو مدفعش هيتوقف، هيدفع هيبقى فيه فلوس كتيرة تفك ازمه ماليه وندفع مرتبات اللعيبه”.
وأردف: ”الانتخابات هتتفتح يوم ٣١ أكتوبر واللي بيحب النادي ينزل الانتخابات، أنا بشوف النادي بينهار دلوقت، أنا خلاص مشيت ياعم فك الحجز بقا”.
وأتم: ”أنا صعقت بكم المبالغ اللي على الزمالك علشان أقيد القايمة الأولية، أنا خارج المشهد من بعد ماتش بكرة، وبعد الماتش أنا مسافر لو بتحب النادي وبتحب الكيان ارفع الحجز عن الزمالك".