علق الإعلامي أحمد شوبير، على تصريحات أمير مرتضى، المشرف العام على الكرة بنادي الزمالك، بخصوص زكريا الوردي، لاعب وسط الفريق.
وقال شوبير، في تصريحات تليفزيونية:" قصة إن زكريا الوردي تعبان نفسي دي متدخلش دماغي ، ومتعديش عليا بسهولة".
وتابع:" هو يا إما لعيب كويس يا إما لعيب مش كويس والقصة انتهت، لكن لازم هنا نقف عند حاجات كتير مهمه لأن زكريا الوردي ده مش متربي في مصر و لا عاشق للفانلة البيضاء وأكيد جه بفلوس".
وأضاف:" لازم يطلع توضيح زكريا ده جه بكام ولما هيمشي هياخد كام لأنه أكيد مجاش محبه ومين وكيله وفي علاقات ولا لا ودي حاجات مهمه لازم تتوضح، يطلع بيان كده يتقال هو خد كام ونعرف الناس ايه الدنيا وجه إزاي".
وكان أمير مرتضى، قال في تصريحات عقب مباراة الأبيض الأخيرة، بأن زكريا الوردي يعاني من أزمة نفسية بسبب أخطاءه في مباراة السوبر المصري أمام الأهلي، وأنه يشعر بأنه لايستطيع الاستمرار مع القلعة البيضاء.