تحدث مرتضى منصور، رئيس مجلس إدارة نادي الزمالك، على ترتيبات الفريق الأول لكرة القدم، لمسابقة الدوري المصري الممتاز في النسخة الجديدة.
وقال مرتضى منصور، عبر مقطع فيديو، بثه على موقع يوتيوب:" الحمدلله أمير وجمال كانوا عاملين مؤتمر لتقديم الصفقات، من أنجح المؤتمرات اللي اتعملت، مؤتمر عالمي".
وتابع: "بضحك من إمبارح قالوا مرتضى مراحش ليه تقريبا متخانق مع أمير، حتى سيف زاهر طلبني سالني وقولتله علشان كل واحد ياخد حقه أنا النجم اللي في القعدة وهاخد الأضواء، وعلشان هم بذلوا مجهود ياخدوا حقهم ومحضرتش المؤتمر".
وأضاف: "بقول للجمهور إفرح ببطولاتك وبصفقاتك يخرب بيتك في 1000 عيل منكديين على 500 مليون زملكاوي، مش عجبني ولا عاجب القانون إن العيال تقلع هدومها وتشجع بقول لمجلس إدارة الأهلي لم اللجان اللي طلعت صورهم عندك، لأن الست أم كلثوم قالت للصبر حدود وبتجروا تعيطوا".
وأكمل:" الأخ محمود عثمان إنت أخدت براءة؟ إنت بتسئ لقضاء مصر، إنت دخلت في أعراض وسب ولو فعلا أخدت براءه طلع الحكم هنبدأ الموسم يوم الأربعاء وأول ماتش سموحة في المقاولون وبعده سيراميكا وبيراميدز مباريات صعبة، قرعة جميلة، لو الدكتور سيد سحبها لنا مش هتكون كده، بس البطل ميخافش".
وواصل:" وعاوزين مفيش خلافات بين الجمهور، روح إقلع في البيت، وسيب الناس تفرح وتشجع الفريق، علشان بقولك المجموعة الصغيرة وداخلة في سكة الشماريخ والشتيمة، إبدأ الموسم واهتف لصفقاته الجديدة ولفريقك، بتقول في بره التشجيع ده مافي بره شواذ!".
واستطرد:" بتقول بالعند فيك، رئيس النادي مبتتعاندش هقولك شكرًا في جماهير آلاف مألفة هتروح وتفرح، بشكر جماهير الزمالك العظيمه اللي قالت إن أنا صح، أنا بقعد مع المسئولية علشان نزود الأعداد قال الكرة في ملعبك عندنا ماتش مهم ربنا يوفق ولادنا جبنا أعظم لاعيبه في مصر وخارج مصر، إنتم عاوزين تتخانقوا عاوزين نكسب البطولات ولا تقع؟، الكرة في رجلكم، شجع كما تشاء لكن مش هسمح القلة دي تبدأ ترمي شماريخ وتشتم".
واختتم: "كل سنة وإنتم طيبين وربنا يكرمنا، ميعادنا الخميس هنكمل مهزلة ومسخرة ممدوح عباس، حرصت إن أقولكم كلمة قبل الموسم وإدعوا معي ربنا يوفقنا والزمالك لو حصله انتكاسه هينزل درجه تانية".